The news is by your side.

Advertisement

بیٹنگ کے لیے گیا تو ہاتھ میں شدید تکلیف تھی، سب اللہ پر چھوڑ دیا تھا، وہاب ریاض

لیڈز: قومی کرکٹ ٹیم کے فاسٹ بولر وہاب ریاض نے کہا ہے کہ بیٹنگ کے لیے گیا تو ہاتھ میں شدید تکلیف تھی مگر سب کچھ اللہ پر چھوڑ دیا تھا۔

تفصیلات کے مطابق گزشتہ روز افغانستان کے خلاف میچ میں انگلی میں فریکچر کے باوجود عمدہ کارکردگی کا مظاہرہ کرنے والے وہاب ریاض نے کہا ہے کہ ہاتھ میں تکلیف کے باوجود میچ کھیلنے کا فیصلہ ان کا اپنا تھا۔

فاسٹ بولر نے کہا کہ میچ سے قبل مجھ سے پوچھا گیا تھا کہ درد برداشت کرسکتے ہو، پریکٹس کے بعد میں نے کہا میچ میں سو فیصد کارکردگی دکھانے کی کوشش کروں گا۔

وہاب ریاض کے مطابق کپتان سرفراز احمد نے کہا کہ یقین ہے بولنگ میں وہاب کی کارکردگی سو فیصد ہوگی، کپتان کے الفاظ نے میرے اعتماد میں اضافہ کیا۔

انہوں نے کہا کہ جب بیٹنگ کرنے کے لیے میدان میں اترا تو ہاتھ میں شدید درد تھا لیکن میں نے سب کچھ اللہ پر چھوڑ دیا تھا، اللہ تعالیٰ کا شکر ہے کہ ہم میت جیت گئے۔

واضح رہے کہ گزشتہ روز کھیلے جانے میچ میں پاکستان نے افغانستان کو سنسنی خیز مقابلے کے بعد تین وکٹوں سے شکست دی تھی، عماد وسیم کو 49 رنز کی ناقابل شکست اننگز کھیلنے پر میچ کا بہترین کھلاڑی قرار دیا گیا تھا۔

یاد رہے کہ افغانستان کو شکست دینے کے بعد پاکستان پوائنٹس ٹیبل پر چوتھی پوزیشن پر آگیا ہے اور اس کے 9 پوائنٹس ہیں، قومی ٹیم اپنا آخری گروپ میچ 5 جولائی بروز جمعہ کو بنگال ٹائیگر کے خلاف کھیلے گی۔

Comments

comments

یہ بھی پڑھیں