لاہور: مشیر کھیل پنجاب وہاب ریاض نے کہا ہے کہ گراس روٹ لیول سے کھلاڑیوں کو تیار کرنے کی ضرورت ہے۔

لاہور میں میڈیا سے گفتگو کرتے ہوئے مشیر کھیل پنجاب وہاب ریاض نے کہا کہ  کھلاڑیوں پر تنقید نہیں کرنی چاہیے بلکہ ان کی کارکردگی کو تنقید کا نشانہ بنانا چاہیے۔

انہوں نے کہا کہ کسی کو نام لے کر نکالنے یا رکھ لینے سے فرق نہیں پڑتا، یہ پراسس رائٹ سلیکشن سے شروع ہوتا ہے، اگر ٹیم کوئی ٹائم سے اکٹھا رہنے کے بعد بھی اچھا نہیں کھیل رہی تو ٹیم میں تبدیلی ہونی چاہیے۔

رہاب ریاض کا کہنا تھا کہ آسٹریلیا ہمیشہ سے پاکستان کیلئے ٹف دورہ رہا ہے، امید ہے پاکستانی ٹیم آئندہ اعتماد کے ساتھ کھیلے گی۔

انہوں نے مزید کہا کہ ہماری ٹیم کی زیادہ تر سلیکشن ٹی 20 فارمیٹ پر ہوتی ہے ایسا نہیں ہونا چاہیے، گراس روٹ لیول سے کھلاڑیوں کو تیار کرنے کی ضرورت ہے۔