لاہور: قومی ٹیم کے سینئر منیجر وہاب ریاض نے ورلڈ کپ پر اپنی رپورٹ پی سی بی میں جمع کروادی۔
اے آر وائی نیوز کے مطابق قومی ٹیم کے سینئر منیجر وہاب ریاض نے رپورٹ میں ٹیم کی خراب کارکردگی کے اسباب بیان کیے ہیں۔
ذرائع کے مطابق وہاب ریاض نے رپورٹ میں کہا ہے کہ قومی ٹیم ایک ہوکر نہیں کھیلی۔
- Advertisement -
وہاب ریاض کا کہنا ہے کہ قومی ٹیم کو امریکا اور بھارت کے خلاف میچ جیتنے چاہیے تھے، ٹیم کی کارکردگی بہتر کرنے کے لیے مربوط منصوبہ بندی کی ضرورت ہے۔
واضح رہے کہ قومی ٹیم ٹی 20 ورلڈ کپ کے پہلے مرحلے میں ہی باہر ہوگئی تھی۔
گرین شرٹس نے آئرلینڈ اور کینیڈا کے خلاف کامیابی حاصل کی جبکہ بھارت اور امریکا سے شکست کا سامنا کرنا پڑا تھا۔
