کھلاڑیوں کو غیر ضروری سپورٹ کرنے پر سلیکشن کمیٹی سے فارغ کیے جانے والے وہاب ریاض کا اہم بیان سامنے آگیا۔
حالیہ ٹی ٹوئنٹی ورلڈ کپ میں پاکستان کرکٹ ٹیم کی بدترین کارکردگی کے بعد چیئرمین پاکستان کرکٹ بورڈ محسن نقوی نے ٹیم میں بڑی سرجری کا اعلان کیا تھا، اس سرجری پر پہلا عملدرآمد سلیکشن کمیٹی سے وہاب ریاض اور عبدالرزاق کو فارغ کیے جانے کی صورت میں سامنے آیا۔
تاہم اب دونوں کو فارغ کرنے کی اہم وجہ بھی سامنے آ گئی ہے، ذرائع سے ملنے والی اطلاعات کے مطابق وہاب ریاض اور عبدالرزاق کو کھلاڑیوں کو غیر ضروری طور پر سپورٹ کرنے پر ہٹایا گیا ہے۔
7 رکنی سلیکشن کمیٹی سے صرف وہاب ریاض اور عبدالرزاق کی چھٹی کیوں ہوئی؟ وجہ سامنے آ گئی
سلیکشن کمیٹی سے برطرفی کے بعد وہاب ریاض نے ٹوئٹر پر بیان جاری کیا جس میں انہوں نے لکھا کہ ’ سلیکشن کمیٹی ارکان پر دباؤ ڈالنے کے بیانات سے متفق نہیں ہوں کسی طرح ایک کا ووٹ چھ پر حاوی ہو سکتا ہے‘۔
وہاب ریاض نے کہا کہ سب کچھ ریکارڈ پر ہے، تمام معاملے پر آج اپنا بیان جاری کروں گا۔
واضح رہے کہ دوسری جانب پاکستان کرکٹ بورڈ (پی سی بی) نے وہاب ریاض اور عبدالرزاق کو سلیکشن کمیٹیوں سے الگ کرنے کی تصدیق کر دی ہے۔
