پیرس : یوروکپ2016 کے دوسرے کواٹر فائنل میں ویلز نے بیلجیئم کو ہرا کر سیمی فائنل کے لیے کوالیفائی کر لیا ہے جہاں اس کا مقابلہ پرتگال سے ہوگا.
تفصیلات کے مطابق یورپ کے بڑے کلبوں میں کھیلنے والے سٹار کھلاڑیوں پر مشتمل بیلجیئم کی ٹیم نے کھیل کا آغاز انتہائی شاندار انداز میں کیا اور میچ کےابتدائی لمحات میں ہی ویلز کے گول پر تابڑ توڑ حملے کیے،بیلجیئم کے نینگولن نے میچ کے 13ویں منٹ میں خوبصورت گول کر کے بیلجیئم کو میچ میں برتری دلوا دی.
دوسری جانب ویلز کی ٹیم گول کے خسارے کے باوجود بیلجئیم کے گول پر بار بار حملے کرتی رہی اور بالآخر 31ویں منٹ میں کپتان ایشلی ولیئم نےکارنر پر خوبصورت ہیڈر سے گول کر میچ برابر کر دیا،میچ کے پہلے ہاف کے اختتام پر میچ ایک ایک گول سے برابر تھا۔
ویلز نےدوسرے ہاف میں عمدہ کھیل کو جاری رکھا اور 55ویں منٹ میں رابسن کانو نے شاندار گول کر کے ٹیم کو برتری دلوا دی.
یاد رہے کہ ویلز نے گذشتہ برس پہلےیوروکپ کے کوالیفائنگ میچ میں بیلجیئم کو ایک صفر سے ہرا دیا تھا،ویلز نے کواٹر فائنل میں بیلجیئم کو ہرا کر اپنی تاریخ میں پہلی بار کسی بڑے ٹورنامنٹ کے سیمی فائنل تک کوالیفائی کیا ہے.