بھارتی اداکارہ وامیکا گبی کی ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ وامیکا گبی نے ویڈیو شیئر کی جس میں انہیں گانے پر ڈانس کی ریہرسل کرتے دیکھا جاسکتا ہے۔
انہوں نے ویڈیو شیئر کرتے ہوئے کیپشن میں لکھا کہ ’کیا کہا سب نے؟ مجھے سنائی نہیں دیا برائے کرم کمنٹ سیکشن میں آکر بتائیں۔
اداکارہ نے چند گھنٹوں قبل یہ ویڈیو شیئر کی جسے لاکھوں کی تعداد میں مداح دیکھ چکے ہیں اور انہیں دوسری جنریشن کی ایشوریا رائے قرار دے رہے ہیں۔
واضح رہے کہ وامیکا گبی کی ورون دھون کے ساتھ بالی ووڈ ڈیبیو فلم ’بے بی جان‘ باکس آفس پر بری طرح فلاپ ہوگئی لیکن وامیکا پھر بھی بھارتیوں کا نیشنل کرش بنی ہوئی ہیں۔
View this post on Instagram
وامیکا گبی ورسٹائل اداکارہ ہیں جنہوں نے پنجابی، ہندی، تامل اور ملیالم فلموں کے ساتھ ساتھ ویب سیریز میں بھی اپنی اداکاری کے جوہر دکھائے ہیں۔
انہوں نے اداکاری کے سفر کا آغاز بطور چائلڈ آرٹسٹ بالی ووڈ کلاسک فلم ’جب وی میٹ‘ میں مختصر کردار سے کیا، وقت گزرنے کے ساتھ وہ پنجابی سنیما کی فلم ’ تو میرا 22 میں تیرا 22‘۔ عشق برانڈی اور نیکا زیلدار سیریز جیسی کامیاب فلموں میں شامل ہوئیں۔
ان کا تعلق چندی گڑھ کے ایک پنجابی خاندان سے ہے، وامیکا کے والد، گوردھن گبی مشہور مصنف ہیں جو ہندی اور پنجابی دونوں زبانوں میں ’گبی‘ کے نام سے لکھتے ہیں۔
وامیکا نے ابتدائی تعلیم سینٹ زیویئرز اسکول چندی گڑھ سے حاصل کی اور ڈی اے وی کالج سے آرٹس میں ڈگری حاصل کی، ادبی ماحول میں میں پرورش پانے کے باوجود انہوں نے اداکارہ بننے کا انتخاب کیا۔
