لاہور: قومی کرکٹ ٹیم کے بولنگ کوچ وقار یونس کے والد رضائے الٰہی سے انتقال کرگئے۔
اے آر وائی نیوز کی رپورٹ کے مطابق قومی کرکٹ ٹیم کے بولنگ کوچ وقار یونس کے والد طویل علالت کے باعث انتقال کرگئے، وہ پنجاب کے نجی اسپتال میں زیر علاج تھے۔
والد کے انتقال کی خبر وقار یونس کو آسٹریلیا میں موصول ہوئی، انہوں نے دورہ انگلینڈ کے بعد آسٹریلیا پہنچنے پر خود کو قرنطینہ کرلیا تھا۔اب وقار یونس قرنطینہ سے نکل کر فیملی سے ملے بغیر سڈنی سے لاہور کے لیے روانہ ہو گئے ہیں۔
Heartbroken..kids &I didn’t get to see @waqyounis99 as he left from quarantine back to Pakistan due to his father’s critical condition..these are really tough times..to hear a grown man weep alone and unable to do anything is very painful. #qurantinechallenges #covid
— Faryal Waqar (@DrFaryalWaqar) September 12, 2020
ان کی اہلیہ نے بتایا کہ وقار یونس ہوٹل قرنطینہ سے ہی پاکستان واپس چلے گئے ، ان سے ہماری ملاقات نہیں ہو سکی،ان کا یہ بھی کہنا تھا کہ وقار یونس کے والد کی حالت لاہور میں تشویشناک ہے جن کا اب انتقال ہوچکا ہے۔
سابق وکٹ کیپر راشد لطیف نے وقار یونس کے والد کے انتقال پر دکھ کر اظہار کرتے ہوئے کہا کہ اللہ ان کی مغفرت فرمائے اور وقار، فیصل، علی اور اہلخانہ کو صبر جمیل عطا فرمائے۔
اِنَّا للہ وَاِنَّآ اِلَیہِ رَاجِعُونَ وقار یونس کے والد کا انتقال ہو گیا ہے آپ سب سے گزارش ہے کہ انکی مغفرت کے لیئے دعا کریں۔ اللہ وقار ، فیصل ، علی اور اہل خانہ کو صبر جمیل عطا فرمائے آمین۔
— Rashid Latif ®️🇵🇰🌹 (@iRashidLatif68) September 12, 2020
پاکستان کرکٹ بورڈ اور ساتھی کھلاڑیوں نے بھی وقار یونس کے والد کے انتقال پر دکھ اور افسوس کا اظہار کرتے ہوئے ان کی مغفرت کے لیے دعا کی ۔
قومی کرکٹ ٹیم کے باؤلنگ کوچ وقار یونس کے والد کے انتقال پر پاکستان کرکٹ بورڈ کا اظہار افسوس
محمد یونس کے انتقال پر افسوس کا اظہار کرتے ہیں۔
وقار یونس کے غم میں برابر کے شریک ہیں۔— PCB Media (@TheRealPCBMedia) September 12, 2020
