لاہور : پاکستان کرکٹ ٹیم کے سابق کپتان اور فاسٹ بولر وقار یونس کا کہنا ہے کہ سابق بھارتی اوپنر نوجوت سنگھ سدھو کو گولڈن ڈک کے لئے چھیڑنے پر کافی مزہ آتا ہے۔
پاکستان کرکٹ ٹیم کے سابق عظیم فاسٹ بالر وقار یونس نے ایک انٹرویو میں کہا کہ سدھو کو کپل شرما شو میں دیکھنا پسند کرتا ہوں خاص طور پر جب کپل شرما ان کو گولڈن ڈک پر طنز کرتے ہیں۔
پاکستان کے سابق فاسٹ بالر وسیم اکرم نے کپل شرما شو میں گفتگو کے دوران انکشاف کیا تھا، جس کے بعد 1990 کے میچ میں سدھو کو وقار کے ہاتھوں آؤٹ ہونے پر سخت چھیڑا گیا۔
ٹویٹر پلیٹ فارم پر گفتگو میں وقار نے انکشاف کیا کہ سدھو پاجی کو شو میں چھیڑتے ہوئے انہیں دیکھ کر کتنا لطف آتا ہے۔ نیز وقار نے یہ بھی بتایا کہ کاجول ان کی پسندیدہ اداکارہ ہیں اور وہ لیجنڈ امیتابھ بچن کو سب سے زیادہ پسند کرتے ہیں۔
وقار نے کہا کہ میں نے کپل شرما کا شو کئی بار دیکھا ہے اور میں جانتا ہوں کہ میرا نام سدھو پاجی کے ساتھ کئی بار لیا گیا ہے جب میں نے 1990 کے میچ میں پہلی گیند پر انہیں آؤٹ کیا تھا۔
انہوں نے کہا کہ ان دنوں ہم ہمیشہ بھارت کے خلاف کھیلنا پسند کرتے تھے کیونکہ ہم ان دنوں بھارت کے خلاف جیت جاتے تھے۔ تاہم آج کل ایسا نہیں ہے۔
سابق فاسٹ بالر نے کہا کہ سدھو پاجی ہمیشہ ہی اچھے دوست اور اچھے صلاح کار رہے ہیں وہ ایک عظیم شخصیت ہیں۔ میں نے ان کے ساتھ بہت سارے شوز کیے ہیں اور کئی کرکٹ شوز بھی کیے ہیں۔
