The news is by your side.

Advertisement

وقار یونس وزیراعظم کورونا ریلیف ٹائیگر فورس کا حصہ بننے کیلئے تیار

لاہور : پاکستان کرکٹ ٹیم کے بولنگ کوچ وقار یونس نے کہا کہ کوروناکی وجہ سےدنیامشکل حالات سےگزررہی ہے، وزیراعظم عمران خان پربہت بڑی ذمہ داری ہے، میں ٹائیگرفورس کا حصہ بننے کو تیار ہوں۔

تفصیلات کے مطابق بولنگ کوچ پاکستان کرکٹ ٹیم وقار یونس نے ویڈیو کانفرنس کرتے ہوئے کہا کہ کورونا دنیا کے کئی ممالک کواپنی لپیٹ میں لےچکاہے اور دنیا مشکل حالات سےگزررہی ہے۔

وقار یونس کا کہنا تھا کہ پاکستان میں مکمل لاک ڈاؤن کرنا ناممکن ہے، اس وقت وزیراعظم عمران خان پربہت بڑی ذمہ داری ہے، میں ٹائیگرفورس کا حصہ بننے کیلئے تیار ہیں، فخرہے کہ میری اہلیہ فرنٹ لائن پررہتےہوئےکام کررہی ہیں۔

بولنگ کوچ نے کہا کہ پاکستانی کھلاڑیوں کو ایسی صورتحال کاڈٹ کرمقابلہ کرناچاہیے ، شرجیل خان کوفٹنس پرکام کرنا ہوگا،ہیڈ کوچ بھی نشاندہی کرچکےہیں۔

ان کا مزید کہنا تھا کہ امیدہےحسن علی جلدفٹ ہوکر پاکستان ٹیم جوائن کرلیں گے، سرفراز احمدکی پرفارمنس پی ایس ایل میں تسلی بخش نہیں رہی، وہ ہمارےپلان کاحصہ ہیں لیکن انہیں مزیدمحنت کی ضرورت ہے۔

وقار یونس نے کہا کہ محمد عامرایک میچ وننگ بولرہے، نوجوانوں کو موقع دینے کا مطلب یہ نہیں کہ عامر کو نظر انداز کیا گیا، وہاب ریاض اور محمدعامر سے اس بارے میں گفتگو ہوچکی ہے۔

بولنگ کوچ کا کہنا تھا کہ نوجوان بولرزپرغصہ آتاہےجب وہ سوشل میڈیازیادہ استعمال کرتے ہیں ، آج کےفاسٹ بولرز خود کو ان سیکوئر محفوظ کرتے ہیں، سوشل میڈیااستعمال کریں لیکن کرکٹ پر زیادہ توجہ مرکوزرکھیں۔

انھوں نے مزید کہا کہ میرےلیےغلط تاثردیاجاتاہےکہ کراچی والوں کوپسندنہیں کرتا، میرے زیادہ تر دوستوں کا تعلق کراچی سے ہے۔

Comments

یہ بھی پڑھیں