سنچورین: قومی ٹیم کے بولنگ کوچ وقار یونس نے پاکستان کے تمام بولرز کو میچ ونر بولر قرار دے دیا ہے۔
تفصیلات کے مطابق سینچورین سے ویڈیو کانفرنس کرتے ہوئے قومی ٹیم کے بولنگ کوچ وقار یونس نے کہا کہ فاسٹ بولرز کی فٹنس کو مزید بہتر بنانے کے لئے ان کو مانیٹر کرتے رہتے ہیں میں خود ہر میچ کے بعد تمام بولرز کے ساتھ میٹنگ کرتا ہوں، بولرز کیساتھ میٹنگ میں خامیوں اور خوبیوں کو زیربحث لایا جاتا ہے۔
وقار یونس نے کہا کہ شاہین آفریدی سمیت کسی بولر پر زیادہ بوجھ نہیں ڈال رہے،حارث روف، فہیم اشرف، حسن علی سب اچھا پرفارم کرنے کی کوشش کررہے ہیں، میچ میں کسی دن کسی بھی بولر کو زیادہ رنز ہوجانا کھیل کا حصہ ہے، بطور کوچ تمام بولرز کو سپورٹ کرتا ہوں، جنوبی افریقاکی ٹیم کو بی ٹیم قرار دے کر ہماری کامیابی کو زیادہ کریڈٹ نہ دینا زیادتی ہوگی۔
قومی ٹیم کے بولنگ کوچ نے کہا کہ آل راؤنڈر شاداب کے ان فٹ کا افسوس ہے تاہم بولنگ کمبی نیشن درست سمیت میں جارہا ہے، محمد حفیظ کے بولنگ کرانے سے بولنگ لائن اپ مزید مضبوط ہوجاتی ہے، انہوں نے پاکستان کے تمام بولرز کو میچ ونرز بھی قرار دیا۔
ایک سوال کے جواب میں قومی ٹیم کے بولنگ کوچ نے کہا کہ پی ایس ایل ملتوی ہونےسے بولرز کو بہت آرام مل چکا ہے، زمبابوے کے خلاف سیریز میں بولرز کے ورک لوڈ کو تقسیم کرنے کے لیے حکمت عملی بنائیں گے زمبابوے کیخلاف نئےبولرز کوا ٓزمانے کا فیصلہ قومی ٹیم کے ہیڈ کو مصباح الحق کرینگے۔
Waqar Younis, the bowling coach of Pakistan men’s national cricket team interacted with the media via video conference call today.https://t.co/M8Jctth2Mg
— PCB Media (@TheRealPCBMedia) April 17, 2021
