قومی ٹیم کے بولنگ کوچ وقار یونس سوشل میڈیا پر بڑے متحرک رہتے ہیں اور مختلف مواقع پر اپنے ٹوئٹس اور ویڈیو شیئر کرتے رہتے ہیں، مگر آج انہوں نے اپنے ماضی کی یادیں تازہ کرتے ہوئے ایسی تصاویر شیئر کی کہ ان کے دوست بھی داد دئیے بغیر نہ رہ سکیں گے۔
وقار یونس نے سماجی رابطے کی ویب سائٹ ٹوئٹر پر ماضی کی کچھ تصاویر شیئر کی ہیں، ان تصاویر پر کیپشن استعمال کرتے ہوئے وقار یونس نے لکھا کہ اسکول دوست، ٹیچرز اور اپنے اسکول کو بہت یاد کرتے ہیں۔
اپنے ٹوئٹ میں وقار یونس نے ہیش ٹیگ ’صادق پبلک اسکول‘ اور ’بہاول پور‘ کا استعمال کیا، قومی ٹیم کے بولنگ کوچ نے اپنے شہر بہاول پور کو خوبصورت شہر قرار دیا۔
Memory Lane…
Missing my old buddies..My respected TEACHERS and my ever green School #SadiqPublicSchool #Bahawalpur Beautiful Times ♥️ pic.twitter.com/j4GVdgc0ck— Waqar Younis (@waqyounis99) February 25, 2021
اس سے قبل وقار یونس نے معروف گلوگار فخر عالم کی جانب سے گوادر کرکٹ اسٹیڈیم کی دلکش ویڈیو سوشل میڈیا پر شیئر کرتے ہوئے لکھا تھا کہ فخر عالم کی بہترین کوشش، محنت جاری رکھیں۔
وقار یونس نے قومی ٹیم کے سابق ٹیسٹ کپتان اظہر علی کو بھی ان کی سالگرہ پر محبت بھرا پیغام دیا تھا۔