ماضی کے معروف گلوکار وارث بیگ کے صاحبزادے بھی والد کے نقش قدم پر چل نکلے، اپنی جادوئی آواز میں گانا سنا کر مداحوں کو حیران کردیا۔
90 کی دہائی کے معروف گلوکار وارث بیگ اے آر وائی نیوز کے پروگرام ہمارے مہمان کے مہمان بنے، میزبان فضہ شعیب سے ملاقات میں انہوں نے اپنے بیٹوں سے بھی ملوایا۔
وارث نے بتایا کہ ان کا بیٹا عمار بھی گاتا ہے اور اس کی آواز نہایت خوبصورت ہے۔
ان کے کہنے پر عمار نے اپنے والد کا مشہور گانا کل شب دیکھا میں نے چاند جھروکے میں گا کر سنایا، اس کے بعد انہوں نے اپنی مسحور کن آواز میں آج جانے کی ضد نہ کرو غزل بھی سنائی۔
وارث بیگ نے بتایا کہ عمار اس سے قبل امریکا میں تعلیم مکمل کر رہا تھا اور اس دوران گائیکی کی مشق بھی کرتا رہتا تھا۔ تعلیم مکمل ہوجانے کے بعد وہ مکمل طور پر اس فن کو اپنانے کی خواہش رکھتا ہے۔
Comments
- Advertisement -
