The news is by your side.

Advertisement

غیر قانونی پارکنگ مافیا نے پورے کراچی کو یرغمال بنا رکھا ہے: وسیم اختر

کراچی: میئر کراچی وسیم اختر نے کہا ہے کہ شہر کراچی میں ہر قسم کا مافیا موجود ہے، جن کی سرپرستی خود تھانے کرتے ہیں۔

ان خیالات کا اظہار میئر کراچی نے اے آر وائی نیوز سے خصوصی گفتگو کرتے ہوئے کیا.

وسیم اختر کا کہنا تھا کہ انکروچمنٹ، غیرقانونی ہائیڈرنٹ مافیا بھی اس شہر  میں ہیں، غیر قانونی پارکنگ مافیا نے پورے شہر کو یرغمال بنا رکھا ہے.

میئر کراچی وسیم اختر کا کہنا تھا کہ سڑکوں پر  ان معاملات کو دیکھتا ہوں، ایسے تھانے ہیں، جہاں پولیس والے ایسےعناصر کی ہیلپ کرتے ہیں.

میئر کراچی وسیم اختر نے کہا کہ ایمپریس مارکیٹ کے قریب پارکنگ مافیا کو تھانہ پروٹکٹ کرتا ہے، دیگر ایسے تھانے بھی ہیں، جہاں پارکنگ مافیاکی سرپرستی کی جاتی ہے.

مزید پڑھیں: میں نواز شریف سے کراچی کیلئے25 ارب روپے کا پیکج لایا تھا، وسیم اختر

ایم کیو ایم رہنما نے کہا کہ ایسے تھانے بھی ہیں، جو پارکنگ مافیا کی براہ راست سرپرستی کر رہے ہیں۔

خیال رہے کہ اس وقت کراچی میں غیر قانونی پارکنگ کا مسئلہ گمبھیر شکل اختیار کر گیا ہے، خاص کر ماہ رمضان میں کمرشل علاقوں میں عوام کو شدید مشکلات کا سامنا ہے.

پارکنگ کا نامناسب انتظام اور مختلف پارکنگ ایریا سے غیر قانونی طور پر پیسے وصول کرنے کا مسئلہ بھی شدت اختیار کر گیا ہے.

Comments

comments

یہ بھی پڑھیں