کراچی : ضلع شرقی کے جوڈیشل مجسٹریٹ نے معروف کرکٹر اور سابق کپتان وسیم اکرم کے وارنٹ گرفتاری جاری کردیے گئے۔
اے آر وائی کے رپورٹر فیض اللہ کے مطابق ضلع شرقی کی عدالت نے معروف فاسٹ بولر اور سابق کپتان وسیم اکرم کے وارنٹ گرفتاری جاری کرتے ہوئے اگلی سماعت میں وسیم اکر م کو عدالت میں طلب کر لیا ہے۔
عدالت کا کہنا تھا کہ وسیم اکرم اپنی ہی مدعیت میں درج کرائے گئے کیس کی 37 سماعتیں گذر جانے کے باوجود عدالت میں پیش نہیں ہوئے لہذا اگلی سماعت میں وسیم اکرم کی حاضری کو ممکن بنائی جائے جس کے لیے عدالت نے وارنٹ گرفتاری بھی جاری کرد یے۔
واضح رہے گزشتہ برس کارساز روڈ پر وسیم اکرم کی گاڑی پر فائرنگ کی گئی تھی جس کے نتیجے میں وسیم اکرم کی گاڑی کو نقصان بھی پہنچا تھا تا ہم وسیم اکرم خوش قسمتی سے محفوظ رہے تھے جس کے بعد انہوں نے بہادر آباد تھانے میں ایف آئی آر کا اندراج بھی کرایا تھا۔
