قومی ٹیم کے فاسٹ بولر وسیم جونیئر رشتہ ازدواج میں منسلک ہوگئے جس کی تصاویر سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر قومی کرکٹر وسیم جونیئر نے شادی کی چند تصاویر وائرل ہورہی ہیں اور مداحوں کی جانب سے انہیں مبارک باد دی جارہی ہے۔
وسیم جونیئر نے تصاویر شیئر کرتے ہوئے کیپشن میں آج کی تاریخ لکھی ہے۔
محمد وسیم جونیئر کا، جو کہ شمالی وزیرستان سے تعلق رکھنے والے پہلے قومی کرکٹر ہیں۔ 25 اگست 2001 کو پیدا ہونے والے محمد وسیم کو بچپن سے ہی کرکٹ خصوصاً بولنگ کروانے کا شوق تھا۔
View this post on Instagram
محمد وسیم جونیئر نے 28 جولائی 2021 کو برج ٹاؤن کے کینزنگٹن اوول کے میدان میں پاکستان کی ٹی 20 کیپ حاصل کی اور اپنی برق رفتار بولنگ سے کمنٹری بکس میں موجود اپنے وقت کے مایہ ناز فاسٹ بولر سر کوٹلی ایمبروز کو بھی متاثر کر گئے۔
انہوں نے پہلے ایک زوردار باؤنسر سے لنڈل سمنز کو واپس جانے پر مجبور کیا اور پھر ٹی 20 کرکٹ کے یونیورس باس کرس گیل کو پویلین کی راہ دکھائی۔
