The news is by your side.

Advertisement

لاک ڈاؤن، بھارتی کرکٹر کے کپڑے دھونے کی ویڈیو وائرل

نئی دہلی: بھارت میں کرونا وائرس کے سبب لاک ڈاؤن ہے ایسے میں بھارتی کرکٹر شیکھر دھون نے مزاحیہ ویڈیو شیئر کی جو سوشل میڈیا پر وائرل ہوگئی۔

تفصیلات کے مطابق دنیا بھر میں کرونا وائرس کے سبب شہری احتیاطی تدابیر اختیار کررہے ہیں اور گھروں میں موجود ہیں، کرونا وائرس کے پیش نظر کھیلوں کی سرگرمیاں بھی متاثر ہوئی ہیں اور کھلاڑی گھروں میں رہ کر مختلف سرگرمیوں میں مصروف ہیں۔

سوشل میڈیا پر وائرل ہونے والی ویڈیو میں دیکھا جاسکتا ہے کہ شیکھر دھون کپڑے دھو رہے ہیں اور ان کی اہلیہ میک اپ کرنے میں مصروف ہیں۔

شیکھر دھون نے شیئر کی جانے والی ویڈیو میں لکھا کہ ’ایک ہفتہ گھر میں رہنے کے بعد کی زندگی بہت مشکل ہے۔‘

واضح رہے کہ بھارت اور جنوبی افریقہ کے درمیان تین میچز کی ون ڈے سیریز کرونا وائرس کی وجہ سے منسوخ کردی گئی تھی اور شیکھر دھون انجری سے نجات پانے کے بعد دوبارہ ٹیم میں شامل ہوئے تھے۔

خیال رہے کہ بھارت میں اب تک کرونا وائرس کے کیسز کی تعداد 500 سے تجاوز کرچکی ہے اور وائرس سے ہلاک افراد کی تعداد 10 ہوچکی ہے۔

fb-share-icon0
Tweet 20

Comments

comments

یہ بھی پڑھیں