واشنگٹن : تباہ ہونے والے مسافر طیارے کا دریا میں گرنے سے پہلے دو ٹکڑے ہونے کا انکشاف ہوا، ہیلی کاپٹر کے بلیڈ نے حادثے میں مسافر طیارے کو دو ٹکڑوں میں تباہ کیا۔
تفصیلات کے مطابق واشنگٹن کے قریب چھوٹا طیارہ فوجی ہیلی کاپٹر سے ٹکراکر دریا میں جاگرا، طیارے میں عملےکے چار افراد سمیت چونسٹھ مسافر سوارتھے۔
ریسکیو حکام نے بتایا کہ حادثے میں بیس افراد کی لاشیں نکالی جاچکی ہیں تاہم کسی کے زندہ بچنے کی امید نہیں۔
ریسکیو حکام کا کہنا تھا کہ مسافرطیارے کے دریا میں گرنے سے پہلے دو ٹکڑے ہوگئے تھے، ہیلی کاپٹر کے بلیڈ نے حادثے میں طیارے کو دو ٹکڑوں میں تباہ کیا، جنہیں دریا سے نکالا جارہا ہے۔
مزید پڑھیں: واشنگٹن : مسافر طیارہ فوجی ہیلی کاپٹر سے ٹکرا کر تباہ
فیڈرل ایوی ایشین حکام کا کہنا ہے حادثہ رات نو بجے واشنگٹن ڈی سی کے ریگن ایئرپورٹ کے قریب پیش آیا، طیارہ دریائے پوٹومیک کے اوپر رن وے پراترنے کی کوشش کررہا تھا کہ فوجی ہیلی کاپٹر سیدھا آکرٹکرا گیا تاہم ایئرپورٹ کوجمعہ تک پروازوں کیلئے بند کردیا گیا ہے۔
امریکی میڈیا کا کہنا ہے ریسکیو ٹیمیں فوری جائے وقوع پہنچیں تودریا میں طیارےاورہیلی کاپٹرکے ٹکڑے بکھرے دکھائی دیے۔
امریکی وزارت دفاع کا کہنا ہے طیارے سے ٹکرانے والا بلیک ہاک فوجی ہیلی کاپٹر تربیتی پرواز پر تھا۔
