سابق کپتان وسیم اکرم نے ورلڈ کپ میں آسٹریلیا کیخلاف میچ سے قبل شاہین شاہ آفریدی کو اہم مشورہ دے دیا۔
ورلڈ کپ میں شاہین آفریدی ردھم میں نظر نہیں آئے، انجری سے واپسی کے بعد ان کی بولنگ اسپیڈ میں بھی کمی آئے ہے جبکہ وہ 3 میچز میں 34.75 کی اوسط سے صرف چار وکٹیں لے سکے ہیں ان کا اکانومی ریٹ بھی 6.31 ہے۔
اے سپورٹس کے پروگرام ’دی پویلین‘ میں گفتگو کرتے ہوئے وسیم اکرم نے کہا کہ شاہین اچھی بولنگ کررہا ہے اس کا اعتماد تھوڑا کم ہے لیکن وہ وکٹ ٹیکنگ بولر ہے۔
انہوں نے کہا کہ اگر شاہین وکٹیں نہیں لے رہا تو اسے چاہیے کہ وہ نارمل رہے اور کچھ غیرمعمولی کرنے کی کوشش نہ کرے، مجھے یقین ہے کہ اچھا اسپیل اور نئی گیند کے ساتھ وکٹیں اس کے اعتماد میں اضافہ کریں گی۔
واضح رہے کہ پاکستان نے اب تک ورلڈکپ میں 3 میچز کھیلیں ہیں جس میں 2 میں کامیابی اور ایک میں بھارت سے شکست ہوئی۔
پاکستان کو اپنا اگلا میچ 20 اکتوبر بروز جمعہ کو آسٹریلیا کے خلاف بنگلورو میں کھیلنا ہے۔