قومی ٹیم کے سابق کپتان وسیم اکرم فاسٹ بولر شاہین شاہ آفریدی کے خلاف پروگرام ’دی پویلین‘ میں تبصرہ پڑھ کر غصے میں آگئے۔
آئی سی سی ٹی 20 ورلڈ کپ کے دوران اے سپورٹس کے پروگرام دی پویلین میں میزبان فخر عالم، سابق کپتان وسیم اکرم، وقار یونس، شعیب ملک اور سابق کوچ مصباح الحق میچ پر تبصرے کرتے رہے اور کھلاڑیوں کی غلطیوں کی نشاندہی بھی کی۔
اس دوران وسیم اکرم نے شاہین آفریدی کے خلاف سوشل میڈیا صارف کا تبصرہ پڑھنے سے گریز کیا اور شدید غصے کا اظہار کرتے ہوئے صارف پر برس پڑے۔
سوئنگ کے سلطان نے صارف سے مخاطب ہوتے ہوئے کہا کہ ’تم نے جو بدتمیزی کی ہے اسے میں پڑھ کر بھی نہیں سنا سکتا میری یہ خواہش ہے کہ کاش تم میرے سامنے ہوتے۔‘
وسیم اکرم نے مزید کہا کہ ’تمہیں کسی بڑے چھوٹے کی تمیز نہیں ہے، اپنے ہی کھلاڑیوں کا تمسخر اڑا رہے ہو۔‘
— Guess Karo (@KuchNahiUkhada) November 15, 2022
واضح رہے کہ ٹی 20 ورلڈ کپ فائنل کے دوران شاہین شاہ آفریدی گھٹنے کی انجری کی وجہ سے دوران میچ چلے گئے تھے جبکہ انگلش ٹیم نے گرین شرٹس کو 5 وکٹوں سے شکست دے کر دوسری مرتبہ چیمپئن بننے کا اعزاز حاصل کیا۔
گزشتہ روز پی سی بی نے فاسٹ بولر کی انجری سے متعلق بتایا تھا کہ ’شاہین کو ڈاکٹرز نے دو ہفتے آرام کا مشورہ دیا، انہیں کوئی انجری نہیں ہے بس گھٹنے میں کھنچاؤ آیا ہے وہ وطن واپسی پر ری ہیب مکمل کریں گے۔