کراچی: قومی ٹیم کے سابق کپتان اور سوئنگ کے سلطان وسیم اکرم کو دبئی کا گولڈن ویزا مل گیا۔
اے آر وائی نیوز کے مطابق قومی ٹیم کے سابق کپتان وسیم اکرم نے سماجی رابطے کی ویب سائٹ ٹویٹر پر دبئی کا گولڈن ویزا ملنے کی اطلاع دی۔
انہوں نے لکھا کہ ’کرکٹ میں میری خدمات کو تسلیم کرتے ہوئے حکومت دبئی کی طرف سے گولڈن ویزا دیا گیا ہے۔
وسیم اکرم نے لکھا کہ دبئی کاروبار، چھٹیاں اور دیگر ممالک کے عوام سے جُڑنے کے لیے دنیا کی بہترین جگہوں میں سے ایک ہے۔
سابق کپتان نے کہا کہ یہاں کا گولڈن ویزا ملنے پر فخر محسوس کررہا ہوں۔
Honoured to be granted a Golden Visa by Govt of Dubai recognising my achievements in https://t.co/wL0Pc4xlzL is undoubtedly one of the best places in the world for business, holidays and just connecting with the world! Look forward to spending more time here. HAPPY 50TH UAE!
— Wasim Akram (@wasimakramlive) December 2, 2021
خیال رہے کہ قومی ٹیم کے آل راؤنڈر شعیب ملک اور ان کی اہلیہ اور بھارتی ٹینس اسٹار ثانیہ مرزا کو بھی دبئی کی حکومت نے گولڈن ویزا جاری کر رکھا ہے۔
