کراچی: قومی کرکٹ ٹیم کے سابق کپتان اور سوئنگ کے سلطان وسیم اکرم سوشل میڈیا ناقدین پر برس پڑے۔
تفصیلات کے مطابق لیجنڈ فاسٹ بولر وسیم اکرم نے سوشل میڈیا ناقدین کو پیغام دیتے ہوئے کہا کہ ’بدتمیزی بزدل لوگ کرتے ہیں، واضح رہے کہ کچھ لوگوں نے ان کے سوئمنگ پول میں بغیر شرٹ کے آنے پر تنقید کی تھی۔
سابق کپتان کا کہنا تھا کہ ہم سب کا مقصد ہے کہ تھوڑی صحت مندانہ زندگی گزاریں، میں بہت جلد 55 سال کا ہوجاؤں گا تو کیا ہوا، کبھی کبھی آپ کوشش کرتے ہیں اور صحت مند رہنے کے لیے ورزش کرتے ہیں۔
وسیم اکرم کا کہنا تھا کہ فیس بک اور انسٹاگرام پر کافی لوگ اپنی رائے بھی قائم کرتے ہیں، ان کے لیے میرا پیغام ہے کہ بدتمیزی بزدل لوگ کرتے ہیں، ان سے یہ پتا لگا کہ آپ کا بیک گراؤنڈ کیا ہے۔
ان کا کہنا تھا کہ مجھے آپ کے بڑوں کا احساس ہوتا ہے، وہ بھی کہتے ہوں گے کہ ہم نے کیا کرلیا۔
وسیم اکرم نے کہا کہ ’غلطی ہوگئی اگلی مرتبہ سوئمنگ کے لیے تھری پیس سوٹ پہن کر آجاؤں گا، وہ بھی نہ پسند آئے تو گھاگرا پہن لوں گا۔‘
Morning this video is specially for trolls and rude people before everyone says do not reply to them ,ignore them sure will do after this one #saturdaymorning #haveablessedday🙏 pic.twitter.com/1dcqRIqNso
— Wasim Akram (@wasimakramlive) September 19, 2020
