سابق کپتان اور سوئنگ کے سلطان وسیم اکرم کا کہنا ہے کہ بہت تنقید کرلی اب تھوڑا صبر رکھیں اور ٹیم کو سپورٹ کریں۔
سابق کپتان وسیم اکرم کا کہنا ہے کہ لڑکوں میں ٹیلنٹ ہے بہت عرصے ٹیم کی جانب سے ایسی بیٹںگ دیکھنے کو ملی ہے، اسی انداز سے کھیلنے کی سب بات کررہے تھے۔
آکلینڈ میں کھیلے گئے تیسرے ٹی 20 میچ میں پاکستان نے نیوزی لینڈ کو 9 وکٹوں سے شکست دی، پاکستان نے کیویز کی جانب سے دیا جانے والا 205 رنز کا ہدف 16ویں اوور میں حاصل کرلیا۔
22 سالہ حسن نواز نے آکلینڈ میں کھیلے گئے تیسرے ٹی ٹوئنٹی میچ میں 44 گیندوں پر سنچری بنائی، ان کی اننگز میں 10 چوکے اور 7 چھکے شامل تھے۔
حسن نواز نے 105 رنز کی ناقابلِ شکست اننگز کھیلی اور وہ شاندار بیٹنگ کارکردگی پر پلیئر آف دی میچ قرار پائے۔
واضح رہے کہ پانچ میچوں کی ٹی 20 سیریز میں نیوزی لینڈ کو پاکستان کے خلاف 2-1 کی برتری حاصل ہے، دونوں ٹیموں کے مابین چوتھا ٹی 20 میچ کل کھیلا جائے گا۔
