قومی ٹیم کے سابق کپتان اور پی ایس ایل میں کراچی کنگز کے صدر وسیم اکرم نے بابر اعظم سے ملتان سلطانز کے خلاف گزشتہ روز ہونے والی گفتگو کی وضاحت کردی۔
تفصیلات کے مطابق کراچی کنگز کے صدر وسیم کا کہنا ہے کہ باؤنڈری لائن پر بابر سے بات کرنے کے بعد لوگوں کے ردعمل پر حیران ہوں، میں نے بابر سے صرف یہ کہا کہ ہمارے بولرز یارکرز یا سلو گیند کیوں نہیں کررہے۔
وسیم اکرم نے بتایا کہ اس کے علاوہ بابر سے کچھ بھی نہیں کہا، وہ بہترین لڑکا ہے اور اس نے جیت کے لیے اپنی پوری کوشش کی ہے۔
Hello ! Surprised to see reactions on my talking to Babar at the boundary last night. What I was saying was ‘why our bowlers are not bowling yorkers or slower ones offside off’.nothing else . Babar is a wonderful boy and has tried his best. And what he wants for dinner 🥘 1/2
— Wasim Akram (@wasimakramlive) February 17, 2022
واضح رہے کہ گزشتہ روز وسیم اکرم نے باؤنڈری لائن پر جاکر بابر سے بات کی تھی جس کے بعد سوشل میڈیا پر یہ قیاس آرائیاں کی جارہی تھیں کہ انہوں نے بابر اعظم کو کیوں ڈانٹا۔
صارفین کا کہنا تھا کہ ٹیم کے ہارنے میں بابر اعظم کا کوئی قصور نہیں ہے، کراچی کنگز کی ٹیم میں پاور ہٹر کی کمی ہے اور کوئی متاثر کن فاسٹ بولر بھی موجود نہیں ہے۔
یاد رہے کہ کراچی کنگز ایونٹ میں اپنے مسلسل 8 میچز ہار چکی ہے، ملتان سلطانز نے گزشتہ روز کنگز کو 8 وکٹوں سے شکست دی تھی۔