سابق کپتان وسیم اکرم کی قومی ٹیم کو ویسٹ انڈیز کے خلاف پہلے میچ میں بہتر کارکردگی دکھانے پر مبارکباد دی اور حسن علی کے حق میں آواز بلند کردی۔
سماجی رابطے کی ویب سائٹ ٹویٹر پر اپنے ویڈیو پیغام میں سابق مایہ ناز فاسٹ باؤلر نے ویسٹ انڈیز کے خلاف پہلے ون ڈے میں جیت پر قومی ٹیم کو مبارک باد دیتے ہوئے کہا کہ پاکستان نے بہت اچھی کرکٹ کھیلی اور آسانی سے ہدف حاصل کرلیا، بابر کو بھی مبارک شاندار سنچری اسکور کی جس پر وہ داد کا مستحق ہے۔
انہوں نے حسن علی پر ہونے والی تنقید پر شائقین کرکٹ سے درخواست کی ہے کہ پلیز حسن علی کا پیچھا چھوڑ دیں اور حسن علی کو پرفارم کرنے کا موقع دیں، اگر ہم اسے اعتماد نہیں دیں گے تو کون دے گا۔
وسیم اکرم نے کہا کہ وہ دوسرا اوور نہیں کررہا ہوتا اور ٹرینڈ کررہا ہوتا کہ اسے کیوں کھلایا جارہا ہے۔ وسیم اکرم نے کہا کہ وہ میچ ونر ہے اسے موقع ملنا چاہیے میری بطور سابق کپتان مکمل سپورٹ ہے میں اس کے پیچھے کھڑا ہوں۔
مبارک 🇵🇰 ٹیم کو زبردست کھیلے ویسٹ انڈیز کے خلاف پہلا میچ اور بابر کو بھی مبارک، پلیز حسن علی کا پیچھا چھوڑ دو وہ دوسرا اوور نہیں کررہا ہوتا اور ٹرینڈ کررہا ہوتا کہ کیوں کھلایاوہ میچ ونر ہے میں سابق کپتان اس کے پیچھے ہوں۔ ٹوئٹر پر تو یہ حال ہوگیا ہے کہ
(ہوئے باندر تے چھال نہ مارے) pic.twitter.com/xzBhlvTs5A— Wasim Akram (@wasimakramlive) June 9, 2022
