The news is by your side.

Advertisement

وسیم باری کو پی سی بی میں اہم ذمے داری مل گئی

لاہور: ہائی پرفارمنس سینٹر کراچی کے ہیڈ اور سابق ٹیسٹ کرکٹر وسیم باری کو پی سی بی میں اہم ذمے داریاں تفویض کردی گئیں ہیں۔

اے آر وائی نیوز کے نمائندہ خصوصی برائے اسپورٹس شعیب جٹ کے مطابق 73 سالہ سابق ٹیسٹ کرکٹر وسیم باری پاکستان کرکٹ بورڈ کے وکٹ کیپنگ کنسلٹنٹ مقررکر دیئے گئے ہیں، اس سے قبل وہ ہائی پرفارمنس سینٹر کراچی کے ہیڈ تھے۔

رپورٹ کے مطابق وسیم باری ہائی پرفارمنس سینٹر کراچی میں اپنے فرائض سرانجام دیں گے۔

وسیم باری اس سے قبل بھی پاکستان کرکٹ بورڈ میں مختلف عہدوں پر اپنے فرائض سرانجام دیتے رہیں ہیں جن میں ڈائریکٹر ہیومن ریسورسز، چیف سلیکٹر اور رکن سلیکشن کمیٹی بھی شامل ہیں۔

وسیم باری وکٹ کیپر اور دائیں ہاتھ کے بلے باز تھے،انہوں نے پاکستان کیلئے 81 ٹیسٹ اور 51 ون ڈے انٹرنیشنل کھیلے، اپنے 17 سالہ کیریئر کے اختتام پر وہ پاکستانی ٹیسٹ تاریخ کے سب سے زیادہ میچ کھیلنے والے کھلاڑی تھے۔

Comments

یہ بھی پڑھیں