آئی پی ایل میں 14 سال کے کرکٹر ویبھو سوریاونشی نے 35 گیندوں پر سنچری بنا کر تاریخ رقم کردی۔
راجستھان رائلز کے 14 سالہ بیٹر ویبھو سوریاونشی نے آئی پی ایل میں سنچری بنانے والے سب سے کم عمر بلے باز بن گئے ہیں۔
ویبھو نے جے پور میں گجرات ٹائٹنز کے خلاف 35 گیندوں پر سنچری بنائی۔ بائیں ہاتھ کے بیٹر سوریا ونشی نے 11ویں اوور میں راشد خان کو چھکا لگا کر سنچری مکمل کی جو ٹورنامنٹ تاریخ کی دوسری تیز ترین سنچری ہے۔
انڈین پریمیئر لیگ میں تیز ترین سنچری کا ریکارڈ رائل چیلنجرز بنگلور کے کرس کے پاس ہے جنہوں نے 2013 میں 30 گیندوں پر یہ کارنامہ انجام دیا تھا۔
انہوں نے آئی پی ایل 2025 کی تیز ترین نصف سنچری صرف 14 گیندوں میں بنائی۔
اننگز کے 10ویں کریم جنت کے اوور میں سوریاونشی نے 30 رنز بنا کر اس اوور میں تین چوکے اور تین چھکے لگائے اور 38 گیندوں پر سات چوکوں اور 11 چھکوں کی مدد سے 101 رنز بنا کر آؤٹ ہوئے۔
اس سے قبل 18 سال 118 دن کی عمر میں وجے زول نے سنچری بنائی تھی۔
