خارکیو: یوکرین کے چڑیا گھر سے فرار ہونے والا چمپینزی کامیاب مذاکرات کے بعد سائیکل پر بیٹھ کر واپس چڑیا گھر پہنچ گیا۔
غیر ملکی میڈیا رپورٹس کے مطابق چمپینزی کی عمر 10 ماہ بتائی جارہی ہے اور اس کا نام ’چی چی‘ ہے جو چڑیا گھر سے فرار ہوگیا تھا۔
یہ دلچسپ واقعہ یوکرین کے شہر خارکیو میں پیش آیا جہاں کے چڑیا گھر سے ایک چمپینزی فرار ہوگیا اور شہر کی سڑکوں اور پارکس میں گھومتا دکھائی دیا۔
ویڈیو سوشل میڈیا پر بھی زیر گردش ہے جس میں دیکھا جاسکتا ہے کہ ایک چمپینزی سڑکوں پر مٹر گشت کررہا ہے اور پھر پارک میں چلا جاتا ہے۔
#Ukraine In Kharkiv, a chimpanzee escaped from a zoo. It was walking around the city while zoo employees tried to convince it to return. Suddenly it started to rain, and the ape ran to a zoo employee for a jacket and then agreed to return to the zoo. pic.twitter.com/4AGiAHw1wf
— Hanna Liubakova (@HannaLiubakova) September 6, 2022
ویڈیو میں یہ بھی دیکھا جاسکتا ہے کہ پیلے رنگ کا رین کوٹ پہنی خاتون زو کیپر چمپینزی سے بیٹھ کر باتیں کررہی ہے اس سے متعلق کہا جارہا ہے کہ خاتون بندر کو واپس چڑیا گھر جانے کے لیے منارہی ہیں۔
اس دوران بارش بھی ہوتی ہے اور بھیگنے کے ڈر سے چمپینزی زو کیپر کی جانب دوڑ لگاتا ہے جسے زوکیپر اپنا رین کوٹ پہنا دیتی ہیں اور پھر چمپینزی کو سائیکل کی سواری کے مزے دینے کے بعد چڑیا گھر میں واپس چھوڑ دیا جاتا ہے۔
