The news is by your side.

گروہ نے نوجوان کا سر پتھر سے کچل ڈالا، ویڈیو نے دل دہلا دیے

بھارت میں مرد و خواتین نے مبینہ طور پر نوجوان کو سنگسار کرکے مار ڈالا جس کی سی سی ٹی وی فوٹیج سامنے آگئی۔

بھارتی میڈیا رپورٹس کے مطابق ریاست کرناٹک کے شہر بنگلورو میں میڈیکل کی دکان کے باہر ملزمان نے مبینہ طور پر تیس سالہ شخص کا سر پتھر سے کچل کر اس کی جان لے لی۔

سی سی ٹی وی فوٹیج میں دیکھا جاسکتا ہے  گروہ کی جانب سے نوجوان  کو گھسیٹتے ہوئے سڑک پر لایا جارہا ہے۔

میڈیا رپورٹس کے مطابق ہلاک ہونے والے شخص کی شناخت ’بالپا کے نام سے ہوئی ہے جبکہ وہ بادامی باغ کا رہائشی تھا۔

بعدازاں نوجوان کی چیخ و پکار سننے کے بعد اہل علاقہ گھروں سے باہر نکل آئے اور پولیس کو واقعے کی اطلاع دی، پولیس نے لاش کو ضابطے کی کارروائی کے لیے اسپتال منتقل کیا۔

بھارتی میڈیا کا بتانا ہے کہ واقعہ دو دسمبر کی رات تقریباً ساڑھے 12 بجے پیش آیا تھا۔

Comments

یہ بھی پڑھیں