معروف پاکستانی گلوکار کیفی خلیل کا نیا گانا ’جرمانہ‘ ریلیز ہوتے ہی مقبول ہوگیا۔
’کہانی سنو‘ سے شہرت کی بلندیوں پر پہنچنے والے گلوکار کیفی خلیل نئے گانے ’جرمانہ‘ کی مختصر سی ویڈیو شیئر کی اور گانے کی ریلیز کا اعلان کیا۔
انہوں نے گزشتہ روز بتایا کہ ان کا نیا گانا ویڈیو شیئرنگ پلیٹ فارم یوٹیوب پرجاری کردیا گیا ہے۔
کیفی خلیل کی سولو میوزک ویڈیو ’جرمانہ’ 2 منٹ 53 سیکنڈ پر مشتمل ہے جس نے یوٹیوب پر ریلیز کے چند گھنٹوں بعد ہی لاکھوں ویوز حاصل کرلیے ہیں۔
گلوکار کے نئے گانے کو مداحوں کی جانب سے خوب سراہا جارہا ہے۔
واضح رہے کہ کیفی خلیل نے اپنا مشہور گانا ’کہانی سنو‘ امریکا میں بھی کنسرٹ کے دوران گنگنایا تھا۔
ان کا کہنا تھا کہ امریکا میں جو عزت مداحوں نے دی اس پر وہ ان کے شکرگزار ہیں انہوں نے نیشنل پروموٹرز کا شکریہ بھی ادا کیا جن کی کاوشوں سے امریکا میں ان کے کنسرٹ منعقد ہوئے۔
