ریاض: سعودی عرب میں پیٹرول پمپ پر خوفناک آگ بھڑک اٹھی جس کی ویڈیو منظرعام پر آگئی۔
عرب میڈیا کی رپورٹ کے مطابق سعودی عرب کے شمال مغربی شہر تبوک میں پیٹرول پمپ میں آتشزدگی کے نتیجے میں ایک شخص جاں بحق اور متعدد افراد زخمی ہوگئے۔
سعودی سول ڈیفنس نے آگ لگنے کے واقعے کی تصدیق کرتے ہوئے بتایا کہ فائر بریگیڈ کا عملہ جائے وقوعہ پر پہنچا اور تین گھنٹے کی جدوجہد کے بعد آگ پر قابو پایا گیا ہے۔
انفجار محطة الحزام في تبوك الان! pic.twitter.com/JYYTI5x1Bm
— ترند | أخبار #24 (@trend4uu) January 15, 2024
واقعے کی ویڈیو سوشل میڈیا پر گردش کررہی ہیں جس میں دیکھا جاسکتا ہے کہ آگ کے شعلے اور دھوئیں نے علاقے کو اپنی لپیٹ میں لے رکھا ہے۔
رپورٹ کے مطابق آتشزدگی کے نتیجے میں بڑے پیمانے پر مالی نقصان بھی ہوا۔
پیٹرول پمپ پر آگ لگنے کی وجوہات فوری طور پر معلوم نہیں ہوسکیں تاہم انکوائری کے لیے ٹیم تشکیل دے دی گئی ہے۔
انفجار خزان محطة بنزين في تبوك الله يرحم من توفى ويشفي الجرحى لا حول ولا قوة الا بالله
— م.محمد (@mode88_13) January 15, 2024
