پاکستان کے گلوکار اسٹار شاہ کا گانا فٹبال کی عالمی تنظیم فیفا نے اپنے ورلڈکپ آفیشل انسٹا گرام پیج پر شئیر کردیا۔
فیفا نے پاکستان کے اسٹار شاہ کے گانے ’نو آئیڈیا ‘ کو اپنے ٹک ٹاک اکاؤنٹ پر شیئر کیا ہے، ویڈیو میں کرسٹیانو رونالڈو کے سفر کو نمایاں کیا گیا ہے۔
ویڈیو میں دیکھا جاسکتا ہے کہ کرسٹیانو رونالڈو کے فٹبال کیریئر کی ابتدا سے لے کر آئیکون بننے تک کے سفر کو اجاگر کیا گیا ہے، فیفا نے ’نو آئیڈیا‘ کی ویڈیو کے کیپشن میں جدوجہد سے کامیابی تک کے الفاظ تحریر کیے ہیں۔
View this post on Instagram
واضح رہے کہ اسٹار شاہ میوزک انڈسٹری، خاص طور پر پنجابی میوزک میں بہت تیزی سے مقبول ہو رہے ہیں، ان کے کوک اسٹوڈیو ہٹ 2 اے ایم نے انکی شہرت میں مزید اضافی کردیا ہے۔
یاد رہے کہ اس سے قبل پاکستان کے لوک گلوکار عارف لوہار کا گانا فٹ بال کی عالمی تنظیم فیفا نے اپنے ورلڈکپ آفیشل انسٹا گرام پیج پر شئیر کیا تھا۔
فیفا نے عارف لوہار کا مشہور گانا ’ آ تجھے سیر کراواں‘ اپنے آفیشل انسٹاگرام پیج پر شئیر کیا تھا، گلوکار کے گانے کو شہرہ آفاق فٹبالر میسی کی سالگرہ کے موقع پر شئیر کیا گیا تھا۔
