The news is by your side.

سلمان خان کی جیب میں ’گلاس‘ رکھنے کی ویڈیو وائرل

بالی ووڈ کے سلطان سلمان خان کی آدھا بھرا ہوا گلاس جینز کی جیب میں رکھنے کی ویڈیو سوشل میڈیا پر وائرل ہوگئی۔

بھارتی میڈیا رپورٹس کے مطابق بالی ووڈ کے دبنگ اداکار سلمان خان سالگرہ تقریب میں شرکت کے لیے پہنچے تو گاڑی سے اترتے ہی انہوں نے جینز کی جیب میں گلاس رکھ لیا جس کی ویڈیو دیکھتے ہی دیکھتے وائرل ہوگئی۔

ویڈیو میں دیکھا جا سکتا ہے کہ سلمان خان گلاس اپنی جینز کی پینٹ کی جیب میں رکھ رہے ہیں جبکہ گلاس بھرا ہوا بھی دکھائی دے رہا ہے۔

دبنگ اداکار کی ویڈیو پرسوشل میڈیا صارفین کی جانب سے دلچسپ تبصرے کیے جارہے ہیں۔

ایک صارف کا کہنا تھا کہ ’جیب میں گلاس یہ صرف سلمان ہی کرسکتے ہیں۔‘ ایک دوسرے صارف نے سوال کیا کہ ’اس میں پانی تھا؟‘

واضح رہے کہ سلمان خان ان دنوں اپنی نئی فلم ’کسی کا بھائی کسی کی جان‘ کی شوٹنگ میں مصروف ہیں۔ فلم کی دیگر کاسٹ میں پوجا ہیج، شہناز گل، وینکٹیش دگوبتی شامل ہیں۔

سلمان کی ایک اور فلم ’ٹائیگر تھری‘ کی شوٹنگ بھی جاری ہے جس میں کترینا کیف اور عمران ہاشمی بھی اداکاری کے جوہر دکھائیں گے۔

Comments

یہ بھی پڑھیں