وائٹلٹی بلاسٹ شاہین شاہ آفریدی نے آخری اوور میں چھکا لگا کر ٹیم کو کامیابی سے ہمکنار کر دیا۔
ایلکس ہیلز نے ناقابل شکست 65 رنز بنا کر وائٹلٹی بلاسٹ میں ناٹنگھم شائر آؤٹ لاز کو فتح دلانے میں اہم کردار ادا کیا۔ شروع میں اپنی جارحانہ بلے بازی سے ہیلز نے یقینی بنایا کہ مطلوبہ رن ریٹ سے اننگز بڑھے۔
Shaheen Afridi wins the match with a six! 🦅
The Notts Outlaws have their second win of #Blast23 👏 pic.twitter.com/z9RD5AFNR2
— Vitality Blast (@VitalityBlast) May 29, 2023
شاہین آفریدی نے آخری اوور میں ڈی لیڈے کو شاندار چھکا لگا کر ناٹنگھم شائر کی جیت کو یقینی بنایا۔ آفریدی نے 12 گیندوں پر 17 رنز کی جارحانہ اننگز کھیلی جس میں دو چھکے اور ایک چوکا شامل تھا۔
اس سے قبل ڈرہم کے اولی رابنسن نے آفریدی کو دو چوکے لگائے اور یارکشائر کے خلاف شاندار کارکردگی کے بعد وائٹلٹی بلاسٹ میں مسلسل دوسری ففٹی بنائی تاہم آفریدی نے بعد میں رابنسن کو آؤٹ کرکے اپنا بدلہ لیا۔
آخری دو اوورز میں آفریدی اور میک کیر نے ڈرہم کو صرف نو رنز تک محدود رکھا جس سے وہ بڑا ٹوٹل بنانے میں ناکام رہے۔
