بالی ووڈ اداکار شاہد کپور فوٹو گرافرز پر غصے میں آگئے جس کی ویڈیو سوشل میڈیا پر وائرل ہوگئی۔
بھارتی میڈیا رپورٹس کے مطابق اداکار شاہد کپور، اہلیہ میرا راجپوت اور ساس کے ساتھ فیملی کی شادی کی تقریب میں شرکت کے بعد گاڑی میں بعد بیٹھ رہے تھے کہ فوٹو گرافرز نے نہیں آواز دی۔
شاہد کپور نے فوٹو گرافرز سے کہا کہ ’چلا کیوں رہے ہو؟ میں یہیں ہوں نا؟
ویڈیو میں دیکھا جاسکتا ہے کہ شاہد کپور کو دیکھتے ہی فوٹو گرافرز پوز دینے پر اصرار کرتے ہوئے چیخنا شروع کردیتے ہیں۔
شاہد کپور کہتے ہیں کہ ’پاگلوں کی طرح کیوں چلا رہے ہو؟ جب میں گاڑی میں چلے جاؤں گا تب چلانا، ریلیکس کرو۔‘
بعدازاں شاہد کپور نے فوٹو گرافرز کے ساتھ سیلفی بھی بنائیں اور گاڑی میں بیٹھ کر روانہ ہوگئے۔
وائرل ویڈیو پر سوشل میڈیا صارفین بھی تبصرے کررہے ہیں، ایک صارف نے لکھا کہ ’شاہد شاباش کیونکہ بھارت میں پاپارازی یقینی طور پر یہ نہیں جانتے کہ کس طرح برتاؤ کرنا چاہیے۔‘
دوسرے صارف نے لکھا کہ ’شاہد کپور نے پاپا رازی کے ساتھ بالکل ٹھیک کیا ہے۔‘
واضح رہے کہ شاہد کپور کا آخری پروجیکٹ ویب سیریز ‘فرضی’ تھا جس سے انہوں نے ڈیجیٹل پلیٹ فارمز پر اپنا ڈیبیو کیا ہے۔
