بھارت اور نیوزی لینڈ کے درمیان کھیلے گئے تیسرے ون ڈے میچ میں کرکٹر شبھمن گل کے لیے اسٹیڈیم میں ’سارہ بھابھی کیسی ہو‘ کے نعرے لگ گئے۔
بھارتی میڈیا پر بیٹر شبھمن گل اور بالی ووڈ اداکارہ سارہ علی خان سے متعلق خبریں سامنے آتی رہتی ہیں تاہم دونوں کی جانب سے اس سے متعلق کوئی تصدیق یا تردید نہیں کی گئی ہے۔
تاہم یہ پہلی بار نہیں ہے کہ اسٹیڈیم میں شبھمن گل کو دیکھ کر سارہ کے نعرے لگائے گئے ہوں۔
گزشتہ روز کھیلے گئے میچ میں شبھمن گل نے شاندار سنچری اسکور کی 125 رنز کی ناقابل شکست اننگز کھیلی تاہم جب وہ فیلڈنگ کررہے تھے تو انہیں دیکھ کر اسٹینڈ میں موجود مداحوں کی جانب سے سارہ بھابھی کیسی ہو کے نعرے لگائے گئے۔
ویرات کوہلی بھی ان پر خاموش نہ رہ سکے اور شائقین کرکٹ کو ہاتھ کے اشارے سے اور نعرے لگانے کا کہنے لگے جس کے بعد نعروں کی آواز مزید بلند ہوگئی۔
وائرل ویڈیو میں دیکھا جاسکتا ہے کہ شبھمن گل نے ان نعروں کسی قسم کا ردعمل نہیں دیا۔
