شوبز انڈسٹری کی معروف اداکارہ وشما فاطمہ نے بھارتی میڈیا کے پروپیگنڈے کا مذاق اڑا دیا۔
فوٹو اور ویڈیو شیئرنگ ایپ پر اداکارہ وشما فاطمہ نے دلچسپ ویڈیو شیئر کرتے ہوئے بھارتی میڈیا کا مذاق اڑایا ہے جس کی ویڈیو سوشل میڈیا پر وائرل ہوگئی۔
اداکارہ نے ویڈیو میں مسکرانے کی ایموجی بنائی ہے۔
ویڈیو میں بھارتی تجزیہ کاروں اور اینکرز کو دکھایا گیا ہے جس میں وہ پاکسان شہریوں کو رات جاگنے کا مشورہ دے رہے ہیں جب لوگ گھروں میں سکون سے سو رہے تھے۔
وشما فاطمہ ویڈیو میں بھارتی اینکز کا تبصرہ سنتے ہی بیڈ پر گری اور سو گئیں۔
View this post on Instagram
واضح رہے کہ بھارتی میڈیا پر کراچی سمیت دیگر شہروں پر حملوں کی جھوٹی خبریں نشر کی جارہی ہے جب پاکستان میں زندگی معمول کے مطابق رواں دواں ہے۔
اے آر وائی نیوز نے کراچی سے لائیو رپورٹس نشر کیں جس سے ظاہر ہوتا ہے کہ روزمرہ زندگی معمول پر ہے۔
واضح رہے کہ وشما فاطمہ نے اے آر وائی ڈیجیٹل کے ڈرامہ سیریل ’مجھے پیار ہوا تھا‘ میں منفی کردار نبھایا تھا جس میں مرکزی کردار وہاج علی اور ہانیہ عامر نے ادا کیا تھا۔
