لاہور:تربیلا، منگلا اور چشمہ کے آبی ذخائر میں پانی کی آمد و اخراج، ان کی سطح اور بیراجوں میں پانی کے بہا ؤ کی صورت حال میں بتدریج اضافہ دیکھنے میں آرہا ہے۔
تفصیلات کے مطابق ملک میں جاری مون سون سیزن کے سبب پانی سطح دریاؤں اور آبی ذخیر وں میں بڑھتی چلی جارہی ہے، دریا ئے سندھ میں تربیلاکے مقام پرآمد163600 کیوسک اور اخرج 163600کیوسک ہے ۔
دریائے کابل میں نوشہرہ کے مقام پرآمد 21600 کیوسک اور اخراج21600 کیوسک، جہلم میں منگلاکے مقام پرآمد23000کیوسک اور اخراج10000کیوسک، چناب میں مرالہ کے مقام پرآمد66400 کیوسک اور اخراج 34900کیوسک رہا۔
جناح بیراج آمد187200 کیوسک اور اخراج 179000 کیوسک،چشمہ آمد184500کیوسک اوراخراج 163200کیوسک، تونسہ آمد159700 کیوسک اور اخراج138500 کیوسک، پنجند آمد45000 کیوسک اور اخراج 28900 کیوسک،گدو آمد 160800کیوسک اور اخراج 144000 کیوسک، سکھر آمد115200 کیوسک اور اخراج61300 کیوسک جبکہ کوٹری بیراج آمد136300 کیوسک اور اخراج 126300 کیوسک ریکارڈ کیا گیا۔
تربیلاریزروائر کا کم از کم آپریٹنگ لیول 1392فٹ،پانی کی موجودہ سطح1550.00 فٹ،پانی ذخیرہ کرنے کی انتہائی سطح 1550فٹ اورقابل استعمال پانی کا ذخیرہ 6.049 ملین ایکڑ فٹ ہے ، منگلا کا کم از کم آپریٹنگ لیول 1050فٹ،پانی کی موجودہ سطح 1220.70 فٹ،پانی ذخیرہ کرنے کی انتہائی سطح 1242فٹ اور قابل استعمال پانی کا ذخیرہ 5.732 ملین ایکڑ فٹ ہے ۔
چشمہ کا کم از کم آپریٹنگ لیول 638.15فٹ، پانی کی موجودہ سطح 649.00 فٹ،پانی ذخیرہ کرنے کی انتہائی سطح 649 فٹ اور قابل استعمال پانی کا ذخیرہ 0.278 ملین ایکڑ فٹ رہا۔تربیلا اور چشمہ کے مقامات پر دریائے سندھ، نوشہرہ کے مقام پر دریائے کابل اور منگلا کے مقام پر دریائے جہلم میں پانی کی آمد اور اخراج 24گھنٹے کے اوسط بہا ؤکی صورت میں ہے۔
محکمہ موسمیات کا کہنا ہے کہ اس سال مون سون سیزن طویل ہونے کے امکانات ہیں جس سے دریاؤں میں پانی کا بہاؤ بڑھ جانے سے دریاؤں میں سیلابی صورتحال پیدا ہوجائے گی، کراچی میں بھی معمول کے برخلاف رواں سیزن بارشوں کا سلسلہ جاری ہے اور آئندہ ہفتے بھارتی ریاست گجرات سے بارش کا ایک اور سسٹم سندھ میں داخل ہونے کا امکان ہے۔
