The news is by your side.

منچھرجھیل میں پانی کی سطح کم نہ ہوئی، آرڈی 52 پر کٹ لگا دیا گیا

دادو: منچھرجھیل میں پانی کی سطح میں کمی نہ آسکی جب کہ آرڈی 52 کےدرمیان جھیل میں کٹ لگا دیا گیا ہے۔

منچھر جھیل میں پانی کی سطح آرڈی62 دانستر کینال پر 126 آرایل تک جا پہنچی۔ انتظامیہ نےآر ڈی 52 کو مزدوروں کی مدد سے کٹ لگا دیا ہے۔

آرڈی52 تک ہیوی مشینری نہ پہنچ سکی جس کی وجہ سے مزدوروں سےکٹ لگوایا جا رہا ہے۔ شگاف کرنے کے بعد مختلف دیہات میں پانی کی سطح بڑھنے لگی ہے۔

محکمہ آبپاشی کا کہنا ہے کہ کٹ کے بعد پانی کا بہاؤ تیزی سےگاؤں اراضی کی طرف بڑھنےلگا ہے۔

دوسری جانب ایم این وی ڈرین میں کاری موری کے مقام پر شگاف پڑگیا ہے جس سے خانپور جونیجو میں شدیدخوف وہراس ہے۔ شہریوں نے پیدل بچوں اور مویشیوں سمیت نقل مکانی شروع کر دی ہے۔ اس مشکل صورتحال میں انتظامیہ غائب ہے اور مکینوں نےاپنی مددآپ کےتحت شگاف پر کر لیا ہے۔

Comments

یہ بھی پڑھیں