کراچی کے علاقے یونیورسٹی روڈ پر ریڈ لائن منصوبے کے کام کے دوران پانی کی لائن پھٹ گئی۔
اے آر وائی نیوز کے مطابق کراچی کے علاقے مین یونیورسٹی روڈ پر ریڈ لائن منصوبے کے کام کے دوران پانی کی لائن پھٹ گئی جس کے نتیجے میں شہریوں کو شدید مشکلات کا سامنا ہے۔
سڑک کے دونوں اطراف پانی جمع ہونے سے ٹریفک کی روانی متاثر ہوگئی اور گاڑیوں کی قطاریں لگ گئیں۔
- Advertisement -
واٹر کارپوریشن حکام کا کہنا ہے کہ ریڈ لائن بس منصوبے کے کام کے دوران یہ لائن ٹوٹی ہے، 84 انچ کی لائن گلستان جوہر اور گلشن اقبال ودیگر علاقوں میں پانی فراہم کرتی ہے۔
واٹر کارپویشن کے مطابق پانی کی لائن پھٹنے کی وجہ سے علاقوں میں فراہمی آب بند کردی گئی ہے۔
حکام کا کہنا ہے کہ عملہ مرمتی کام کے لیے پہنچ گیا جبکہ 48 گھنٹوں کے اندر پانی کی لائن کا مرمتی کام مکمل کرلیا جائے گا۔
