کراچی کے مختلف علاقوں میں کئی روز سے بند پانی کی سپلائی بحال کر دی گئی۔
ترجمان واٹر کارپوریشن کے مطابق یونیورسٹی روڈ پر 84 انچ کی لائن کی مرمت کے بعد پانی کی سپلائی بحال کر دی گئی ہے اور آج رات سے متاثرہ علاقوں میں باقاعدہ پانی ملنا شروع ہو جائے گا۔
واٹر کارپوریشن کی جانب سے متاثرہ علاقوں میں پانی کی سپلائی تیزی سےجاری ہے۔ واٹر کارپوریشن کے 12 پمپنگ اسٹیشنوں پ رپانی کی بحالی شروع کر دی گئی ہے۔
- Advertisement -
کلفٹن، ڈیفنس، اولڈ سٹی ایریا لیاری، خداداد کالونی، پی ای سی ایچ ایس سوسائٹی، لیاقت آباد میں پانی سپلائی شروع ہو گئی ہے۔
ترجمان نے بتایا کہ ناظم آباد اور گلشن اقبال کی لائنوں میں بھی پانی آنا شروع ہو جائےگا۔
