خوشاب: پنجاب کے شہر خوشاب میں محکمہ انہار نے انتقال کر جانے والے شخص پر پانی چوری کا مقدمہ درج کر دیا۔

تفصیلات کے مطابق خوشاب میں پولیس کو پانی چوری کے مقدمے میں 18 سال قبل انتقال کر جانے والے ایک شخص کی تلاش ہے، پولیس نے متوفی کی گرفتاری کے لیے چھاپے بھی مارنا شروع کر دیے۔

متوفی احمد خان پر الزام ہے کہ اس نے نہری پانی چوری کیا، متوفی کے بھائی نے الزام لگایا ہے کہ پولیس ان پر دباؤ ڈال رہی ہے کہ احمد خان کو حوالے کیا جائے، اب جو شخص 18 سال پہلے وفات پا چکا ہے اس کو کیسے پولیس کے سامنے پیش کریں۔

دوسری طرف پولیس حکام نے کہا ہے کہ احمد خان پر پانی چوری کا مقدمہ محکمہ انہار نے درج کرایا ہے، اور احمد خان وفات پا چکا یا نہیں اس کی تحقیقات کا حکم دے دیا گیا ہے۔