ویسے تو منشیات کی اسمگلنگ کرنے کیلئے نت نئے طریقے استعمال کیے جاتے ہیں لیکن اس بار تو اسمگلروں نے ایسا طریقہ نکالا کہ پولیس اہلکار بھی سر پکڑ کر بیٹھ گئے۔
دنیا بھر منشیات کے اسمگلر اپنی نقل و حرکت اور مواصلات کے وسیع نیٹ ورک کے ساتھ بہت محتاط انداز سے کام کرتے ہیں تاکہ پولیس اور قانون نافذ کرنے والے اداروں کے اہلکاروں کی آنکھوں میں دھول جھونک سکیں۔
اپنے سامان کی ایک جگہ سے دوسری جگہ منتقلی کیلئے منشیات کو ایسی چیز میں چھپایا کہ کوئی سوچ بھی نہیں سکتا، لیکن کبھی کبھی ان کی ساری ہوشیاری دھری کی دھری رہ جاتی ہے۔
اس حوالے سے سوشل میڈیا پر ایک ویڈیو وائرل ہورہی ہے جس میں ایک پولیس افسر منشیات کی اسمگلنگ کی کوشش کو ناکام بنا رہا ہے۔
اب اسمگلروں کی جانب سے منشیات چھپانے اور اس کی نقل و حمل کے لیے استعمال کی جانے والی ایک نئی اور آنکھ کھولنے والی تکنیک وائرل ہو گئی ہے۔ اس کام کیلیے ایک مشہور پھل کا استعمال کیا گیا ہے۔
ویڈیو میں دیکھا جاسکتا ہے کہ ایک پولیس افسر تربوز کو دو حصوں میں کاٹتا ہے تاکہ ظاہر ہو کہ اس کے اندر کیا ہے جیسا کہ عام طور پر پھل کو کاٹا جاتا ہے جس کے بعد پولیس کو پتہ چلتا ہے کہ تربوز کو اندر سے خالی کرکے اس کے اندر ایک شاپر کے اندر منشیات بھر دی گئی تھی۔
ویڈیو میں آگے چل کر ایک افسر کو ٹرک کے پیچھلے حصے سے منشیات سے بھرے تربوز برآمد کرتے ہوئے دیکھا جاسکتا ہے۔ بعدازاں تمام تربوز کاٹ کر سڑک پر بچھائے جاتے ہیں۔
اس موقع پر پولیس افسران اور گرفتار ہونے والے اسمگلروں کو بھی دکھایا گیا ہے، 29اگست کو شیئر ہونے کے بعد ویڈیو کو 1.06 لاکھ سے زیادہ صارفیں نے دیکھا اور پسند کیا۔
