لاہور : سانحہ وزیرآباد کی تحقیقات کرنے والی جے آئی ٹی نے فیصل واوڈا کو کل طلب کرلیا اور تمام دستاویزات، قومی شناختی کارڈ کے ساتھ لانے کی ہدایت کردی ہے۔
تفصیلات کے مطابق سانحہ وزیرآباد کی تحقیقات کے سلسلے میں جے آئی ٹی نے فیصل واوڈا کوطلب کرلیا اور پنجاب حکومت نے فیصل واوڈا کو شامل تفتیش کرتے ہوئے پیش ہونے کی ہدایت کردی۔
جےآئی ٹی نے فیصل واوڈا کو تمام ریکارڈ سمیت کل طلب کیا ہے اور تمام دستاویزات، قومی شناختی کارڈ کے ساتھ پیش ہونے کی ہدایت
کی ہے۔
- Advertisement -
سانحہ وزیرآباد کیس کی جےآئی ٹی نے یاسمین راشد ،حماد اظہر سمیت 35 افراد کو بھی طلب کرلیا ہے۔
یاد رہے فیصل واوڈا نے آزادی مارچ میں خون خرابے کے خدشے سے متعلق بیان دیا تھا۔
خیال رہے چیئرمین پی ٹی آئی عمران خان پر حملہ کیس میں جےآئی ٹی نے تینوں ملزمان سے تحقیقات کرکے عینی شاہدین کے بیانات قلمبند کرلئے ہیں۔
