انگلینڈ میں ورلڈ چیمپئن شپ آف لیجنڈز 2024کے میچز کا سلسلہ جاری ہے، ایسے میں پاک بھارت مقابلے کے تمام ٹکٹ پہلے ہی فروخت ہوچکے ہیں۔
ایجبسٹن میں ورلڈ چیمپئن شپ آف لیجنڈز میں ہونے والے پاک بھارت ٹاکرے کا ہر کسی کو انتظار ہے، میچ کل کھیلا جائے گا، جس کے تمام 23 ہزار ٹکٹس فروخت ہوچکے ہیں۔
پاک بھارت میچ سے قبل دونوں ٹیموں کے کھلاڑی بھی پُرجوش ہیں،میچ ماضی کے عظیم کھلاڑیوں کی صلاحیتوں کے اظہار کا ذریعہ ہوگا۔
پاکستان چیمپئنز کے یونس خان کا کہنا تھا کہ وہ بھارت کے خلاف کھیلنے کے لیے پُرجوش ہیں، ہماری ٹیم نے کافی تیاری کی ہے اور ہم ایک بہترین کھیل پیش کرنے کی پوری کوشش کریں گے۔
بھارت کے سریش رائنا نے کہا کہ پاکستان کے خلاف کھیلنا ہمیشہ ایک اعزاز ہے اور 7 جولائی کا میچ بھی اس سے مستثنیٰ نہیں ہے، ہماری ٹیم پوری طرح تیار ہے۔
پاکستانی ٹیم میں شاہد آفریدی (کپتان)، شرجیل خان، عمر اکمل، یونس خان، وہاب ریاض، سہیل تنویر، سہیل خان، شعیب ملک، مصباح الحق، عبدالرزاق، عبدالرحمان، عامر یامین، توفیق عمر، صہیب مقصود، یاسر عرفات اور تنویر احمد شامل ہیں۔
ورلڈ چیمپئن شپ آف لیجنڈز: شعیب ملک کی شاندار کارکردگی پر ثناء جاوید نے کیا کہا؟
بھارتی ٹیم میں یوراج سنگھ (کپتان)، ہربھجن سنگھ، سریش رائنا، عرفان پٹھان، یوسف پٹھان، رابن اتھپا، امباتی رائیڈو، آر پی سنگھ، ونئے کمار، دھاول کلکرنی، گرکیرت مان، راہول شرما، نامن اوجھا، راہول شکلا، سوربھ تیواری، انوریت سنگھ اور پون نیگی شامل ہیں۔
