The news is by your side.

Advertisement

عالمی برادری کیساتھ بات کرنے کیلئے تیار ہیں، سہیل شاہین

کال: افغان طالبان نے ترجمان سہیل شاہین کا کہنا ہے کہ عالمی برادری کیساتھ بات کرنے کیلئے تیار ہیں ، عالمی برادری کیساتھ بات کر کے مسائل کا حل چاہتے ہیں۔

تفصیلات کے مطابق افغان طالبان نے ترجمان سہیل شاہین نے سماجی رابطے کی ویب سائٹ ٹوئٹر پر اپنے پیغام میں کہا کہ مختلف ممالک کے نمائندوں سے دوحہ میں ملاقات ہوئی، جن میں برطانیہ،امریکا،کینیڈا،اٹلی کے سفارتکاروں اور نمائندوں شامل تھے جبکہ جاپان،ای یوسمیت دیگرممالک کےسفارتکاروں،نمائندوں سے ملاقات ہوئی۔

سہیل شاہین کا کہنا تھا کہ اسلامک امارت ایک حقیقت ہے ، عالمی برادری کیساتھ بات کرنے کیلئے تیار ہیں ، عالمی برادری کیساتھ بات کر کے مسائل کا حل چاہتے ہیں.

ترجمان نے مزید کہا کہ افغانستان کو تنہا کرنے کی پالیسی ماضی میں ناکام رہی ، افغانستان میں تمام نامکمل تعمیراتی منصوبوں پرکام شروع کیا جائے۔

سہیل شاہین نے اپیل کی کہ موسم سرما کی آمد کے پیش نظر افغانستان میں انسانی بنیادوں پر امداد کی اشد ضرورت ہوگی۔

Comments

یہ بھی پڑھیں