The news is by your side.

آرمی چیف کی تعیناتی پر ہم پیچھے ہٹ گئے ہیں ، عمران خان

لاہور : چیئرمین تحریک انصاف عمران خان کا کہنا ہے کہ آرمی چیف کی تعیناتی پر ہم پیچھے ہٹ گئے ہیں، کوئی آرمی چیف ایسا نہیں آئے گا ، جوادارے،ریاست ،عوام کی آوازکیخلاف جائے۔

تفصیلات کے مطابق چیئرمین پی ٹی آئی عمران خان سے سینئر صحافیوں اور اینکر پرسن کی ملاقات ہوئی، ملاقات میں عمران‌ خان نے گفتگو کرتے ہوئے کہا ہم آرمی چیف کی تعیناتی کےمعاملےمیں پیچھے ہٹ گئے ہیں اور اس معاملے میں پیچھے بیٹھ کرسب دیکھ رہے ہیں۔

عمران خان کا کہنا تھا کہ کوئی آرمی چیف ایسا نہیں آئے گا ، جو ادارے، ریاست اور عوام کی آواز کیخلاف جائے۔

انھوں نے کہا کہ توشہ خانہ پر دبئی، لندن اور پاکستان میں متعلقہ افراد کیخلاف کیس کریں گے، جو سامان فروخت کیا وہ اسلام آباد میں فروخت کیا، رسیدیں اور تاریخ توشہ خانہ میں موجود ہیں۔

چیئرمین پی ٹی آئی کا کہنا تھا کہ توشہ خانہ سےمتعلق جب گواہی میں جائیں گے کیس ختم ہو جائے گا۔

امریکا سے تعلقات کے حوالے سے سابق وزیر اعظم نے کہا کہ امریکا سے لڑائی نہیں مثبت اور بہتر تعلقات چاہتا ہوں.

حکومت سے مذکرات کے حوالے سے سوال پر انھوں نے کہا کہ مذاکرات کامیسج آیا کہ کمیٹی سے مذاکرات کریں ، میں نے انکار کردیا الیکشن کی تاریخ دو پھر آگے بات ہوگی۔

Comments

یہ بھی پڑھیں