وزیراعظم شہبازشریف نے کہا ہے کہ دہشت گردی کےخلاف زیروٹالرنس پالیسی کیلئے پرُعزم ہیں۔
ٹوئٹر پر جاری بیان میں وزیراعظم نے کہا کہ ایپکس کمیٹی اجلاس میں ملک کی مجموعی سیکیورٹی صورتحال کاجائزہ لیا گیا جس میں سول وعسکری قیادت نےقوم کےجان و مال کے تحفظ کےعزم کا اعادہ کیا۔
وزیراعظم نے کہا کہ معصوم لوگوں پر حملہ کرنے والوں کو قانون کےکٹہرے میں لایا جائےگا دہشت گردی کیخلاف حاصل کامیابیاں کسی صورت رائیگاں نہیں جانےدی جائیں گی۔
Media, religious scholars & political leaders have a fundamental role in creating national consensus against terrorism. The State will adopt zero tolerance policy against terrorism. The meeting agreed to institute implementation mechanism for the decisions. 3/3
— Shehbaz Sharif (@CMShehbaz) February 3, 2023
انہوں نے کہا کہ قومی لائحہ عمل پر عملدرآمد اور مزید بہتری کیلئے تجاویز کا بھی جائزہ لیا گیا جب کہ انسداد دہشت گردی کیلئےوفاق اورصوبوں میں یکساں حکمت عملی پراتفاق کیاگیا۔
وزیراعظم کا کہنا تھا کہ فیصلوں پر عملدرآمد سے متعلق لائحہ عمل پر بھی اتفاق کیا گیا میڈیا، علمائےکرام اور سیاستدانوں کا قومی ہم آہنگی میں بنیادی کردار ہے۔
