اسلام آباد: وزیراعظم عمران خان کا کہنا ہے کہ کراچی کو تنہا نہیں چھوڑیں گے۔
تفصیلات کے مطابق وزیراعظم عمران خان سے وفاقی وزیر قانون فروغ نسیم اور گورنر سندھ عمران اسماعیل نے ملاقات کی جس میں بارشوں کے بعد سندھ کی صورت حال اور خصوصاََ کراچی کے معاملات پر غور کیا گیا۔
اس موقع پر وزیراعظم عمران خان کا کہنا تھا کہ کراچی کےعوام کی مشکلات کا مکمل احساس ہے،کراچی کو تنہا نہیں چھوڑیں گے۔
وزیراعظم کا کاروباری برادری کی جانب سے بھرپور اعتماد پر اطمینان کا اظہار
اس سے قبل گزشتہ روز اجلاس کے دوران وزیراعظم عمران خان نے کاروباری برادری کی جانب سے بھرپور اعتماد پر اطمینان کا اظہار کرتے ہوئے کہا تھا کہ تعمیرات، چھوٹے اور درمیانے درجے کی صنعتوں کا فروغ حکومت کی اولین ترجیح ہے۔
وزیراعظم کا کہنا تھا کہ ان شعبوں سے معاشی سرگرمیوں کو فروغ ملےگا،روزگارکے مواقع پیدا ہوں گے،حکومت کاروباری برادری کی سہولت کاری کے لیے ہر ممکنہ کوشش جاری رکھےگی۔
