The news is by your side.

Advertisement

کراچی میں ہلکی بارش، موسم خوشگوار

 کراچی : شہرِقائد کے علاقے گلشنِ اقبال میں آج ایک بار پھر پھوارکا سلسلہ شروع ہوگیا ہے‘ دوسری جانب ملک بھرمیں شدید سردی کے باعث برف باری کا سلسلہ جاری ہے۔

تفصیلات کے مطابق ملک کو شدید سردی کی لہر نے اپنی لپیٹ میں لے رکھا ہے. برف باری اور دھند وجہ سے ٹریفک کی روانی میں خلل پڑرہا ہے. جبکہ کراچی میں موسم سرما ابر رحمت بنکر برسا ہے. شہر قائد میں منگل کی صبح کا آغاز ہی ہلکی ہلکی بوندا باندی سے ہوا. محمکہ موسمیات کے مطابق کراچی میں ہلکی بارش کی پیشن گوئی ہے.

وسطی اورجنوبی پنجاب میں شدید سردی کے باعث دھند سے نیشنل ہائی وے اورموٹروے کے اکثر مقامات پر حد نگاہ صفر ہوگئی ہے جس کی وجہ سے موٹروےایم ٹو لاہورسےشیخوپورہ تک ٹریفک کیلئےبند کردیا گیا ہے۔

دوسری جانب گلیات‘ نتھیاگلی‘ ایو بیہ‘ سوات اورآزادکشمیرمیں برفباری کے وجہ سے سیاحوں نے تفریح مقامات پر موسم سے لطف اندوز ہونے کے لیے ڈیرے جما لئے ہیں۔

 سرد موسم کے باعث اسکول جانے والے بچوں کا برا حال ہے۔ والدین متعدد بارحکومت اور محکمہ تعلیم کے افسران بالا کی توجہ اس جانب مرکوز دلا چکے ہیں. تاہم معتلقہ ادارے کے کان پر جوں نہیں رینگ رہی ہے۔

واضح رہے کہ ہرسال کی طرح رواں سال بھی سردی میں‌ شدت دسمبر کے بجائے جنوری میں آئی  ہے جبکہ ہمارے یہاں موسم سرما کی چھٹیاں دسمبرمیں دی جاتی ہیں اور جب سردی اپنے عروج پر آتی ہے تو اسکولوں میں تدریس کے عمل کا اآغازکردیا جاتا ہے جس کی وجہ سے بچے اور والدین کو دقت کا سامنا کرنا پڑتا ہے۔

Print Friendly, PDF & Email
یہ بھی پڑھیں