کراچی : کراچی میں ٹھنڈی ہوائیں چلنے سے موسم سرد ہوگیا، محکمہ موسمیات نے آنے والے دنوں میں سردی کی شدت میں اضافے کی پیش گوئی کردی ہے۔
تفصیلات کے کراچی میں سردی کی لہر داخل ہوگئی ، صبح صبح گھرسے نکلنے والوں کو گرم کپڑے پہن کرکام پر جانا پڑا۔
محکمہ موسمیات کی جانب سے کہا گیا کہ آج صبح شہرقائد کا درجہ حرارت چودہ ڈگری سینٹی گریڈ ریکارڈ کیا گیا، دن میں موسم خشک اور رات میں سرد رہے گا۔
محکمہ موسمیات کا کہنا ہے کہ آئندہ چند روزتک شام سے صبح تک ٹھنڈ بڑھنےکا سلسلہ جاری رہے گا، البتہ دن میں درجہ حرارت انتیس سے اکتیس ڈگری تک رہنے کا امکان ہے۔
محکمہ موسمیات نے پیش گوئی کی ہے کہ آنیوالے دنوں میں سردی کی شدت میں اضافہ ہوگا۔
دوسری جانب گلگت بلتستان سمیت بالائی علاقوں میں شدید سردی لہو جمانے لگی ہے ، اسکردو میں پارہ منفی چھ ، گوپس میں منفی چارریکارڈکیا گیا۔
بلوچستان کےشمالی علاقوں میں کڑاکےکی سردی پڑ رہی ہے، قلات اور زیارت میں درجہ حرارت منفی تین تک پہنچ گیا۔
اس کے علاوہ پنجاب کےمختلف شہروں میں صبح کےوقت دھند نے شہریوں کی مشکلات بڑھادیں اور حد نگاہ کم ہوگئی، جس کے باعث موٹروے کئی مقامات پر بند کرنا پڑی۔
